Friday, March 29, 2019

'एमसीएमसी'ची 'पेडन्यूज'वर करडी नजर राहणार ----- जिल्हाधिकारी शेखर सिंह


                    
महाराष्ट्र शासन
जिल्हा माहिती कार्यालय, गडचिरोली,
माहिती व जनसंपर्क महासंचालनालय, नागपूर-अमरावती  विभाग, नागपूर
दूरध्वनी - 222194, फॅक्स   - 222718                   E-Mail: diogadchiroli@gmail.com                                                                                                                                                                                                                                                                                                                                                                                                                                   









वृ.क्र  160                                                                                               दि:29  मार्च 2019
'एमसीएमसी'ची 'पेडन्यूज'वर  करडी नजर राहणार
                           ----- जिल्हाधिकारी शेखर सिंह
गडचिरोली दि 29ः लोकसभा सार्वत्रिक निवडणूक  2019 दरम्यान 'पेडन्यूज'ला आळा घालण्यासाठी  माध्यम  प्रमाणीकरण  व संनियंत्रण समिती (एमसीएमसी) चे तसेच उमेदवारांच्या खर्चावर नजर ठेवण्यासाठी खर्च संनियंत्रण कक्षाचे गठन करण्यात आले असून 'पेडन्यूज'वर  'एमसीएमसी'ची करडी नजर राहणार आहे. अशी 'पेडन्यूज'आढळल्यास व समितीव्दारे ती 'पेडन्यूज'असल्याचे सिद्ध झाल्यास संबंधित उमेदवारास नोटीस बजावण्यात येणार असल्याचे जिल्हाधिकारी तथा  जिल्हा  निवडणूक निर्णय अधिकारी  शेखर सिंह यांनी सांगितले.  
जिल्हास्तरीय माध्यम प्रमाणीकरण व संनियंत्रण समिती  (Media Certification and Monitoring Committee) ची बैठक जिल्हाधिकारी कार्यालयात जिल्हाधिकारी  शेखर सिंह यांच्या अध्यक्षतेखाली झाली.  यावेळी  समिती सदस्य उपविभागीय अधिकारी विशाल मेश्राम, उपविभागीय अधिकारी  नितीन सादगीर, उपविभागीय अधिकारी डाॅ इंदुरानी जाखर (भा.प्र.से), अतिरिक्त जिल्हा सूचना अधिकारी आर बी  हकिम  (समाजमाध्य तज्ञ), पत्रकार मुकुंद जोशी, जिल्हा आपत्ती व्यवस्थापन अधिकारी कृष्णा रेड्डी  तसेच सदस्य सचिव तथा प्रभारी  जिल्हा माहिती अधिकारी केशव करंदीकर हे उपस्थित होते.       
 जिल्हाधिकारी शेखर सिंह म्हणाले, भारत निवडणूक आयोगाच्या आदेशानुसार टीव्ही अथवा केबल नेटवर्कद्वारे संबंधितांनी जाहिरात दाखविण्यापूर्वी  तिचे प्रमाणीकरण माध्यम प्रमाणीकरण व संनियंत्रण समितीकडून करून घेणे गरजेचे आहे.  सर्वोच्च न्यायालयाच्या आदेशानुसार (दि 13.4.2004) या समितीतील केवळ निवडणूक निर्णय अधिकारी , सहाय्यक निवडणूक निर्णय अधिकारी व समाजमाध्यमतज्ञ हेच अशा  जाहिराती प्रमाणीत करतील.

समितीचा निर्णय हा कायदेशीररीत्या बंधनकारक आहे. परंतु  MCMC  च्या निर्णयावर अपील करण्याचा अधिकारही संबंधितांना आहे. त्यानुसार  MCMC ने प्रमाणीकरणास नाकारलेल्या जाहिरातीबाबत कोणत्याही राजकीय पक्षास अथवा उमेदवारास  MCMC च्या निर्णयावर राज्यस्तरीय मीडिया प्रमाणीकरण व संनियंत्रण समितीकडे अपील करता येऊ शकते.
आयोगाच्या नियमांनुसार सोशल मीडिया वेबसाईट इलेक्ट्रॉनिक मीडियाच्या व्यवस्थेत मोडत असल्यामुळे राजकीय जाहिरात देखील पूर्व प्रमाणीकरणास पात्र आहे. इतकेच  नव्हे तर सोशल मीडिया वेबसाईटचे देखील पूर्व प्रमाणीकरणास पात्र ठरतात.  राज्य तसेच जिल्हा स्तरावर लोकसभा निवडणूक आचारसंहितेच्या काळात टीव्ही अथवा केबल नेटवर्कद्वारे राजकीय स्वरुपाची जाहिरात दाखवायची असल्यास नोंदणीकृत राजकीय पक्ष संघटनांचा समूह किंवा निवडणूक लढविणारे उमेदवार यांना संबंधित जाहिरातीचे पूर्व प्रमाणीकरण करून घेणे गरजेचे आहे. जिल्हास्तरीय माध्यम प्रमाणीकरण व संनियंत्रण समिती (Media Certification and Monitoring Committee) कडून जाहिरात दाखविण्याबाबतचे हे प्रमाणपत्र आहे असेही श्री सिंह यांनी सांगितले. 
          या समितीद्वारे लोकसभा मतदार संघातून निवडणूक लढविणाऱ्या उमेदवारांकडून टीव्ही अथवा केबल नेटवर्कद्वारे दाखविण्यासाठीच्या संभाव्य राजकीय स्वरुपाच्या जाहिरातीच्या प्रमाणीकरणासाठीचा अर्ज स्वीकारला जाणार आहे. तर राज्यस्तरीय समिती ही राज्य मुख्यालयाच्या ठिकाणी कार्यरत राहणार आहे. नोंदणीकृत राष्ट्रीय व राज्य पक्ष तसेच निवडणूक लढविणाऱ्या प्रत्येक उमेदवारास आपल्या जाहिरातीचे प्रसारण होण्याआधी तीन दिवस अगोदर पूर्व प्रमाणीकरणासाठी अर्ज करता येऊ शकतो. त्याचबरोबर अनोंदणीकृत पक्ष तसेच इतरांना आपली जाहिरात प्रसारण करण्याच्या 7 दिवस आधी पूर्व प्रमाणीकरणासाठी अर्ज करता येऊ शकतो. अर्जासोबत टीव्ही अथवा केबल नेटवर्कद्वारे दाखविण्यासाठी संभाव्य राजकीय स्वरुपाच्या जाहिरातीचे योग्य प्रकारे साक्षांकित केलेले इलेक्ट्रॉनिक स्वरुपातील दोन प्रतीतील प्रारुप, जाहिरात तयार करावयास आलेला खर्च, जाहिरातीचा वेळ, ब्रेकची संख्या तसेच प्रत्येक टाईम स्लॉटसाठीचा संभाव्य दर, जाहिरात ही उमेदवार अथवा पक्ष यांच्या कार्य कामकाजविषयक असल्याबाबतचे जबाब प्रमाणपत्र,तसेच संबंधित जाहिरात ही जर उमेदवार अथवा पक्ष यांच्या व्यतिरिक्त इतरांनी केलेली असेल तर संबंधिताने प्रस्तुत जाहिरात ही उमेदवार, पक्ष यांच्या फायद्यासाठी नसून त्यासाठी उमेदवार किंवा पक्ष यांनी निधी पुरविलेला नाही याबाबतचे प्रतिज्ञापत्र,शिवाय जाहिरातीचा सर्व खर्च हा चेक अथवा डीडी द्वारे करण्यात आल्याबाबतचा जबाब आदी तपशिलांसह कागदपत्रे सादर करणे आवश्यक आहे. अशी माहितीही यावेळी देण्यात आली.
याशिवाय या समितीला एखादी जाहिरात प्रसारणास योग्य वाटत नसल्यास सर्वोच्च न्यायालयाच्या निकालानुसार या जाहिरातीस प्रमाणीकरण नाकारण्याचा अधिकार भारत निवडणूक आयोगाच्या या समितीला देण्यात आलेला आहे. 
         याशिवाय राज्य व जिल्हास्तरीय मीडिया प्रमाणीकरण व संनियंत्रण समितीने मान्य केलेल्या अथवा नाकारलेल्या निर्णयाबाबत संबंधित राजकीय पक्ष, उमेदवार तसेच इतर कोणत्याही व्यक्तिला तक्रार अथवा अपील करण्यासाठी राज्यस्तरीय (अपील व पूर्व प्रमाणीकरण) मीडिया प्रमाणीकरण व संनियंत्रण समितीची स्थापना करण्यात आलेली असल्याचे यावेळी स्पष्ट करण्यात आले.
या समितीकडे उमेदवार, पक्ष अथवा इतर कोणतीही व्यक्ती राज्य व जिल्हास्तरीय MCMC च्या निर्णयाबाबत तक्रार किंवा अपील करु शकतात. तसेच या समितीच्या निर्णयाबाबत संबंधित घटक सर्वोच्च न्यायालयाकडे दाद मागू शकतात. 
टीव्ही अथवा केबल नेटवर्कद्वारे दाखविल्या जाणाऱ्या राजकीय जाहिरातीचे संबंधिताने पूर्व प्रमाणीकरण केले आहे किंवा नाही याची तपासणी करणे हे MCMC चे प्रमुख उद्दिष्ट आहेच, परंतु त्याचबरोबर आचारसंहितेच्या काळात राजकीय जाहिरातींवर संनियंत्रण ठेवणे, उमेदवाराच्या संमतीने अथवा माहितीने जर राजकीय स्वरुपाची जाहिरात प्रसिद्ध झाली असेल तर त्या जाहिरातीचा खर्च संबंधित उमेदवाराच्या निवडणूक खर्चात समाविष्ट करणे, तसेच प्राधिकारपत्र नसतानाही जाहिरात प्रसिद्ध करण्यात आली असेल तर संबंधित प्रकाशकावर आय.पी.सी 171/ एच च्या भंगाबद्दल गुन्हा दाखल करुन कारवाई करणे,लोकप्रतिनिधी अधिनियम 1951 चे कलम 127 अ नुसार निवडणूक प्रचार, प्रसार व इतर साहित्यावर मुद्रक व प्रकाशकाचे नाव,पत्ता असल्याची खात्री करणे, उमेदवाराने निवडणूक जाहिरातीवर केलेल्या खर्चाचे व प्रत्यक्ष प्रसिद्ध बातम्यांवर होणारा खर्च याबाबत विहित नमुन्यात दररोज लेखा पथकाकडे तसेच निवडणूक निर्णय अधिकारी व निवडणूक खर्च निरीक्षक यांच्याकडे अहवाल सादर करणे आदी कर्तव्येही असल्याची माहिती यावेळी देण्यात आली. 
-----000-----

1) affidavit Link



1) affidavit Link -





---------------------------------------------------------------------


12 - गडचिरोली -चिमूर (अ.ज) लोकसभा मतदार संघ 1 उमेदवारी अर्ज मागे 5 उमेदवार निवडणूक लढविणार

                                                               महाराष्ट्र शासन
जिल्हा माहिती कार्यालय, गडचिरोली,
माहिती व जनसंपर्क महासंचालनालय, नागपूर-अमरावती  विभाग, नागपूर
दूरध्वनी - 222194, फॅक्स   - 222718                   E-Mail: diogadchiroli@gmail.com                                                                                                                                                                                                                                                                                                                                                                                                                                   

वृ.क्र  154                                                                                               दि:28  मार्च 2019

                        12 - गडचिरोली -चिमूर (अ.ज) लोकसभा मतदार संघ

1 उमेदवारी अर्ज मागे
5 उमेदवार निवडणूक लढविणार
                      
           गडचिरोली,दि.28:  12 - गडचिरोली -चिमूर (अ.ज) लोकसभा मतदारसंघातील निवडणूकीसाठी अर्ज मागे घेण्याच्या आजच्या दिवशी डॉ. किरसान एन.डी.- अपक्ष यांनी आपला उमेदवारी अर्ज मागे घेतला असून 5 उमेदवार निवडणूक लढविणार असल्याचे  जिल्हाधिकारी कार्यालयातील निवडणूक शाखेने कळविले आहे.

12 - गडचिरोली -चिमूर (अ.ज) लोकसभा मतदारसंघातील
 निवडणूक लढविणारे उमेदवार-
(एक) राष्ट्रीय व राज्य स्तरावरील मान्यताप्राप्त राजकीय पक्षांचे उमेदवार-
अशोक महादेवराव नेते- कन्नमवार वार्ड नं.23, चामोर्शी रोड, गडचिरोली ता.जि. गडचिरोली- भारतीय जनता पार्टी . दिलेले चिन्ह- कमळ,  डॉ. नामदेव दल्लुजी  उसेंडी- यशोधरा निवास , शिवाजी नगर कॅम्प एरिया,गडचिरोली ता.जि. गडचिरोली- इंडियन नॅशनल काँग्रेस. दिलेले चिन्ह- हात, हरीचंद्र नागोजी मंगाम- मु.इल्लुर पो. ठाकरी, ता.चामोर्शी जि.गडचिरोली - बहुजन समाज पार्टी. दिलेले चिन्ह- हत्ती,

(दोन) नोंदणीकृत राजकीय पक्षांचे उमेदवार (राष्ट्रीय व राज्य स्तरावरील मान्यताप्राप्त पक्षांच्या उमेदवारांशिवाय अन्य उमेदवार)
देवराव मोनबा नन्नावरे- राजीव गांधी वार्ड,क्र. 4 वडाळा (पैकू ) ता. चिमूर जि.चंद्रपूर-आंबेडकराईट पार्टी ऑफ इंडिया. दिलेले चिन्ह-कोट, डॉ. रमेशकुमार बाबुरावजी गजबे-मु.पो.भिसी, ता.चिमूर जि.चंद्रपूर,  वंचित बहुजन आघाडी. दिलेले चिन्ह- कप आणि बशी,
               जिल्हयात मतदार जागृती कार्यक्रमांतर्गत विविध कार्यक्रम घेण्यात येत आहेत.  निवडणूकविषयक प्रशिक्षण कार्यक्रमांचेही आयोजन करण्यात येत असून यामध्ये ई-व्ही एम तसेच व्हिव्हीपॅट संदर्भात प्रशिक्षण देण्यात येत आहे.  जिल्ह्यात 1950 हा टोलफ्री क्रमांक सुरु करण्यात आलेला आहे. निवडणूक आयोगाने सी-व्हिजील हे ॲपही निवडणुकीसंदर्भातील तक्रारी मांडण्यासाठी उपलब्ध करुन दिलेले आहे.                
                                                            ******
                  

12 - गडचिरोली -चिमूर (अ.ज) लोकसभा मतदार संघ -- 6 उमेदवारांची नामनिर्देशनपत्रे वैध --- 4 जणांची नामनिर्देशनपत्रे नाकारली

                                                               महाराष्ट्र शासन
जिल्हा माहिती कार्यालय, गडचिरोली,
माहिती व जनसंपर्क महासंचालनालय, नागपूर-अमरावती  विभाग, नागपूर
दूरध्वनी - 222194, फॅक्स   - 222718                   E-Mail: diogadchiroli@gmail.com                                                                                                                                                                                                                                                                                                                                                                                                                                   

वृ.क्र  148                                                                                               दि:26  मार्च 2019

                        12 - गडचिरोली -चिमूर (अ.ज) लोकसभा मतदार संघ
                        6 उमेदवारांची नामनिर्देशनपत्रे वैध
                       4 जणांची नामनिर्देशनपत्रे नाकारली

           गडचिरोली,दि.26:  12 - गडचिरोली -चिमूर (अ.ज) लोकसभा मतदार संघातील निवडणुकीसाठी  नामनिर्देशनपत्रांच्या  छाननीअंती  6 उमेदवारांची  नामनिर्देशनपत्रे वैध ठरली आहेत तर 4 जणांची नामनिर्देशनपत्रे नाकारण्यात आली आहेत.
        वैधरित्या नामनिर्दिष्ट उमेदवार-  अशोक महादेवराव नेते- भारतीय जनता पार्टी ,  डॉ. नामदेव दल्लुजी उसेंडी- इंडियन नॅशनल काँग्रेस, हरीचंद्र नागोजी मंगाम- बहुजन समाज पार्टी, देवराव मोनबा नन्नावरे- आंबेडकराईट पार्टी ऑफ इंडिया, डॉ. रमेशकुमार बाबुरावजी गजबे- वंचित बहुजन आघाडी, डॉ. किरसान एन.डी.- अपक्ष.
नेवारे दामोधर वानुजी-अपक्ष, सुवर्णा बबनराव वरखडे- गोंडवाना गणतंत्र पार्टी, पवन रामचंद्र मगरे- बहुजन समाज पार्टी, दिवाकर गुलाब पेंदाम- बहुजन मुक्ती पार्टी  यांची नामनिर्देशनपत्रे छाननीअंती नाकारण्यात आली आहेत.
अशी माहिती जिल्हाधिकारी कार्यालयातील निवडणूक शाखेमार्फत देण्यात आली.
   
                                            ******
                  

निरिक्षक डॉ.सेल्वराज यांनी घेतला निवडणूकविषयक कामकाजाचा आढावा कॉम्पलेक्स येथील सर्किट हाऊसमध्ये मुक्कामी


सुधारीत बातमी
                                                               महाराष्ट्र शासन
जिल्हा माहिती कार्यालय, गडचिरोली,
माहिती व जनसंपर्क महासंचालनालय, नागपूर-अमरावती  विभाग, नागपूर
दूरध्वनी - 222194, फॅक्स   - 222718                   E-Mail: diogadchiroli@gmail.com                                                                                                                                                                                                                                                                                                                                                                                                                                   
वृ.क्र  148                                                                                               दि:26  मार्च 2019
निरिक्षक डॉ.सेल्वराज यांनी घेतला निवडणूकविषयक कामकाजाचा आढावा
कॉम्पलेक्स येथील सर्किट हाऊसमध्ये मुक्कामी
            गडचिरोली,दि.26: 12-गडचिरोली-चिमूर (अ.ज.) लोकसभा मतदार संघातील निवडणूकविषयक कामकाजाचा आढावा निरिक्षक डॉ.सेल्वराज यांनी घेतला व सर्व संबंधीत नोडल अधिकाऱ्यांना त्यांच्या कामकाजासंदर्भात सूचना दिल्या.
          निरिक्षक डॉ.सेल्वराज यांनी निवडणूक खर्च कक्ष, आचारसंहिता अंमलबजावणी कक्ष,विविध पथके तसेच माध्यम संनियंत्रण व माध्यम प्रमाणीककरण ( MCMC) कक्षास तसेच माध्यम कक्षासही भेट देऊन पाहणी केली,  व सर्व संबंधीत नोडल अधिकाऱ्यांना त्यांच्या कामकाजासंदर्भात सूचना दिल्या.
          निरिक्षक डॉ.सेल्वराज (भा.प्र.से.) यांच्याकडे निवडणूकविषयक कामकाजासंदर्भातील तक्रारी सकाळी 10.ते 11व सायंकाळी 4 ते 5 (त्यांच्या उपलब्धतेनुसार) देता येतील.त्यांचा संपर्क क्रमांक 7588721655 असून go.gadchirolichimurpc@gmail.com  या ई-मेलवरही तक्रारी नोंदविता येतील. कॉम्पलेक्स येथील सर्किट हाऊस मधील मार्कंडा यासुट मध्ये डॉ. सेल्वराज मुक्कामी आहेत.
          निवडणूक खर्च निरिक्षक जयंतकुमार लाल (भा.रा.से. ) यांच्याकडे निवडणूक खर्च विषयक तक्रारी सकाळी 10.ते 11 व सायंकाळी 4 ते 5 (त्यांच्या उपलब्धतेनुसार) देता येतील.त्यांचा संपर्क क्रमांक 8275237155 असून jayantklal@gmail.com  या ई-मेलवरही तक्रारी नोंदविता येतील. कॉम्पलेक्स येथील सर्किट हाऊसमधील चपराळा या सुटमध्ये निवडणूक खर्च निरिक्षक जयंतकुमार लाल मुक्कामी आहेत. अशी माहिती जिल्हाधिकारी कार्यालयातील निवडणूक शाखेमार्फत कळविण्यात आली आहे.
*****

12 - गडचिरोली- चिमुर (अ.ज.) लोकसभा मतदारसंघ निवडणूक निकाल

12 - गडचिरोली- चिमुर (अ.ज.) लोकसभा मतदारसंघ निवडणूक निकाल