12 - गडचिरोली- चिमुर (अ.ज.) लोकसभा मतदारसंघ निवडणूक निकाल

12 - गडचिरोली- चिमुर (अ.ज.) लोकसभा मतदारसंघ निवडणूक निकाल

12 - गडचिरोली- चिमुर (अ.ज.) लोकसभा मतदारसंघ निवडणूकीत भारतीय जनता पार्टीचे अशोक नेते विजयी

वृ.क्र 265                   दिनांक: 24 मे 2019  (रात्री 2.00 वाजता)

           12 - गडचिरोली- चिमुर (अ.ज.) लोकसभा मतदारसंघ निवडणूकीत

        भारतीय जनता पार्टीचे अशोक नेते विजयी

गडचिरोली,दि.24: 12 - गडचिरोली- चिमुर (अ.ज.) लोकसभा मतदारसंघ निवडणूकीत भारतीय जनता पार्टीचे अशोक महादेवराव नेते  हे विजयी  झाले आहेत. त्यांना एकूण 519968  मते प्राप्त झाली. जिल्हाधिकारी तथा निवडणूक निर्णय अधिकारी शेखर सिंह यांनी असे घोषित केले.

शासकीय कृषी महाविद्यालयात मतमोजणी प्रक्रिया झाली. अन्य उमेदवारांना प्राप्त मते -डॉ. नामदेव दल्लुजी उसेंडी- काँग्रेस - 442442, हरीचंद्र नागोजी मंगाम- बहुजन समाज पार्टी - 28104, देवराव मोनबा नन्नावरे- आंबेडकराईट पार्टी ऑफ इंडिया- 16117, डॉ. रमेशकुमार गजबे- वंचित बहुजन आघाडी- 111468. यापैंकी कुणीही नाही (नोटा)- 24599.

 विधानसभा क्षेत्रनिहाय प्राप्त मते खालील प्रमाणे -

विधानसभा क्षेत्र	अशोक महादेवराव नेते	डॉ. नामदेव दल्लुजी उसेंडी	हरीचंद्र नागोजी मंगाम	देवराव मोनबा नन्नावरे	डॉ. रमेश कुमार गजबे	नोटा	एकूण
66- आमगाव	94630	76109	4228	1325	2628	2550	181470
67- आरमोरी	89511	72369	4292	2923	12794	4114	186003
68- गडचिरोली	102942	79203	4889	3744	11778	5263	207819
69- अहेरी	63908	70142	6748	5120	5264	6983	158165
73- ब्रम्हपुरी	89361	76849	4205	1358	27283	2521	201577
74- चिमुर	77370	65714	3644	1620	50989	2987	202324
टपाली मते	2246	2056	98	27	732	181	6376
एकूण	519968	442442	28104	16117	111468	24599	1143734

            नाकारण्यात आलेली मते 1036 आहेत, तर प्रदत्त मते 2 असल्याची माहिती यावेळी देण्यात आली.

*****

जिल्हाधिकारी शेखर सिंह यांनी केली मतमोजणीच्या ठिकाणाची पाहणी

जिल्हाधिकारी शेखर सिंह यांनी

      केली मतमोजणीच्या ठिकाणाची पाहणी

• मतमोजणी प्रक्रिया सुरळीतपणे पार पाडण्याचे निर्देश
• पोलिस बंदोबस्त व अन्य व्यवस्थांचा घेतला आढावा

                     गडचिरोली, दि.20: 12- गडचिरोली - चिमूर (अ.ज) लोकसभा मतदारसंघातील निवडणूकीच्या मतमोजणीच्या  ठिकाणास  निवडणूक निर्णय अधिकारी  तथा जिल्हाधिकारी  शेखर सिंह यांनी  भेट देऊन पाहणी केली.

                    यावेळी अपर पोलिस अधीक्षक डॉ. मोहित गर्ग, अपर जिल्हाधिकारी सुधाकर कुळमेथे,  दामोधर नान्हे, उपजिल्हाधिकारी महेश पाटील, उपजिल्हाधिकारी कल्पना नीळ तसेच संबंधीत नोडल अधिकारी उपस्थित होते.     

                     मतमोजणी  प्रक्रिया सुरळीतपणे पार पाडण्यासाठी  नियुक्त अधिकारी व कर्मचाऱ्यांनी सोपविलेली जबाबदारी अत्यंत काटेकोरपणे पार पाडावी.मतमोजणीसाठी नियुक्त नोडल अधिकारी तसेच त्यांच्या पथकातील इतर अधिकारी व कर्मचाऱ्यांनी मतमोजणीच्या अनुषंगाने दिलेल्या जबाबदारीची सविस्तर माहिती करुन घ्यावी, व आपली जबाबदारी अत्यंत काटेकोरपणे पार पाडून मतमोजणीची प्रक्रिया यशस्वी करावी असे निर्देश जिल्हाधिकारी शेखर सिंह यांनी दिले. जिल्हाधिकारीसिंह यांनी टपाली मतपत्रिका मोजणी पथक, मतमोजणी मनुष्यबळ व्यवस्थापन पथक, साहित्य व्यवस्थापन पथक, निवडणूक निर्णय अधिकारी यांचे सहाय्यक पथक,सिलींग पथक, मतमोजणी समन्वय व अहवाल संकलन पथक या पथकांचा सविस्तर आढावा घेऊन सूचना केल्या. त्याप्रमाणेच मतमोजणीच्या ठिकाणी पोलिस बंदोबस्त,आरोग्य सुविधा, इंटरनेट सुविधा, मिडिया कक्ष, याबाबतही माहिती घेऊन संबंधित नोडल अधिकाऱ्यांना जबाबदारी व्यवस्थित पार पाडण्याचे निर्देश दिले. मतमोजणी केंद्रात मतमोजणीच्या दिवशी मोबाईल वापरण्यास भारत निवडणूक आयोगाच्या निर्देशानुसार प्रतिबंध असल्याची माहितीही यावेळी देण्यात आली.  

      12 - गडचिरोली -चिमूर (अ.ज) लोकसभा मतदारसंघातील निवडणूकीची मतमोजणी 23 मे रोजी  सकाळी 8 वाजतापासून कृषी महाविद्यालय येथे होणार आहे. यासाठी प्रत्येक विधानसभा क्षेत्रनिहाय 84 टेबलची व्यवस्था करण्यात आली आहे. यासाठी  800 अधिकारी व कर्मचाऱ्यांची नियुक्ती करण्यात आली आहे. मतमोजणी सुरळीत पार पडावी यासाठी कृषी महाविद्यालयातील दोन मजल्यांचा वापर करण्यात येणार आहे. जवळपास प्रत्येक विधानसभा क्षेत्रातील मतमोजणीच्या 25 फेऱ्या  अपेक्षित आहेत. कमीतकमी वेळेत मतमोजणीच्या फेऱ्या व्हाव्यात, यासाठी पोस्टल व बायलेट मतमोजणीसाठी स्वतंत्र कर्मचारी असतील अशी माहिती यावेळी देण्यात आली.

-----000-----