निवडणूक आयोगाच्या निर्देशांचे सर्व संबंधितांनी काटेकोरपणे पालन करण्याचे निर्देश

वृ.क्र 207                                                                                                                     दि:09 एप्रिल 2019 निवडणूक आयोगाच्या निर्देशांचे सर्व संबंधितांनी काटेकोरपणे पालन करण्याचे निर्देश                   गडचिरोली, दि. 9 : लोकसभा सार्वत्रिक निवडणूकीत मतदान प्रक्रिया शांततेत व सुव्यस्थित पार पाडण्यासाठी  निवडणूक आयोगाच्या निर्देशांचे सर्व संबंधितांनी काटेकोरपणे पालन करण्याच्या सूचना जिल्हाधिकारी तथा जिल्हा निवडणूक निर्णय अधिकारी शेखर सिंह यांनी दिल्या आहेत.                   निवडणूक आयोगाने दिलेल्या निर्देशानुसार विधानसभानिहाय सहायक निवडणूक निर्णय अधिकाऱ्यांनी व  संबंधीत भागातील पोलीस अधिका-यांनी  सतत समन्वय ठेवावा. मतदान केंद्र परिसरात ध्वनीक्षेपकांवर बंदी असावी, दिव्यांगांना मतदान केंद्र परिसरात जाण्यासाठी सहकार्य करण्यात यावे, मतदारांना रांगेत मतदान करण्यासाठी बंदोबस्तावर असलेल्या पोलीसांनी विशेष लक्ष ठेवावे. सर्व वरिष्ठ पोलीस अधिकाऱ्यांनी विशेष खबरदारी घेऊन काम करावे. स्ट्रॉंग रूममध्ये ईव्हीएम मशीन ठेवल्यानंतर त्याच्या सुरक्षेकडे विशेष लक्ष देण्यात यावे असे निर्देश देण्यात आले आहेत.                                                                    -----000-----